Pages

May 7, 2007

ഒരു അച്ഛന്‍...

ഷിബു ജോസഫ്.. നാല്‍പ്പത്തെട്ടു കഴിഞ് സന്തുഷ്ട്ട ജീവിതം നയിക്കുന്ന ഒരു സെന്‍ട്രല്‍ ഗവര്‍ന്മെന്റ് ഉദ്യോഗസ്ഥന്‍... ഇത് അദ്ദ്ദേഹത്തിന്റെ കഥയാണ്.. സൂക്ഷമായി പറഞാല്‍ രണ്ട് ഞെട്ടലുകളുടെ കഥ.. അല്ലെങ്കില്‍ ഒരചഛന്റെ കഥ... കഥയെന്ന് മുഴുവനായി പറയാന്‍ പറ്റാത്തതിനാല്‍ ഞാന്‍ കേട്ടത് എന്ന് വിളിക്കാം..

“ഇന്നത്തെ കുട്ടികളുടെ ഒരു കാര്യം അല്ലേ??“ , ഷിബു സാറിന്റെ സംസാ‍രം എന്നെ ചിന്തയില്‍ നിന്നും ഉണര്‍ത്തി...
“എന്താണ് സാര്‍.., എന്തു പറ്റി?”, അജയ് സാര്‍ ചോദിക്കുന്നു..
“അല്ല അജയ് ഞാന്‍ ആലോചിക്കുകയായിരുന്നു”
“എന്ത്?”

“കഴിഞ ഡിസമ്പറില്‍ ന്യൂ ഇയര്‍ പാര്‍ട്ടി കഴിഞു ഞാന്‍ കാറോടിച്ചു വരികയായിരുന്നു..”
“ഹും”
“അന്ന് പാര്‍ട്ടിക്കു ഞാന്‍ വീശിയില്ല”
“അതെന്താ സാര്‍??”
“ഒരു മൂഡ് ഇല്ലായിരുന്നു എന്നെ”
“അങനെ”
“ഞാന്‍ വണ്ടി ഓടിക്കുകയായിരുന്നു, അപ്പോഴാ മോന്‍ (11ല്‍ പഠിക്കുന്നു) ചോദിക്കുന്നെ..”
“എന്ത്?”
“ഡാഡി എന്താ വീശാഞേ എന്ന്”
“അതെ അതെ.. അല്ലേലും പിള്ളാര്‍ക്കു ഒന്നു കുനിഞു കൊടുത്താല്‍ അവന്മാര്‍ തലയില്‍ കേറും”
“അത് കുഴപ്പമില്ല അജയ്”
“പിന്നെന്താ സാര്‍?“
“വണ്ടി കുമ്പളത്തെത്തിയെന്നാ തോന്നുന്നേ.“
കുമ്പളം.. എറണാകുളം- ആലപ്പുഴ റൂട്ടില്‍ എറണാകുളത്തിന്റെ അവസാന സ്റ്റേഷന്‍..
പലരുടേയും ആശകളും നിരാശകളും നെടുവീര്‍പ്പുകളും തൊട്ടറിഞ ട്രിപ്പിള്‍ ട്രാക്ക്... അവിടെ അസ്തമയ സൂര്യന്‍ പടിഞാറന്‍ ചക്രവാളത്തില്‍ സിന്ദൂരം അണിഞിരിക്കുന്നു...കല്യാണം കഴിഞ തരുണിയേ പോലെ നമ്രമുഖിയായ് ഭൂമീ ഒരുങി നില്‍ക്കുന്നു.. കിഴക്കുനിന്നും ഒരു ചെറിയ തെന്നലിന്റെ തലോടല്‍..

“എന്താ സാറെ നിര്‍ത്തിയെ..?, സബ്ജക്റ്റ് മാറ്റാന്‍ നോക്കുകയാണോ?”, ഞാന്‍ ചോദിച്ചു..
“അല്ലന്നേ മോന്‍ പറയുകയാ “പപ്പയുടെ ബ്രാന്‍ഡ് ആയിരുന്നെല്ലോ? ഞാന്‍ രണ്ടെണ്ണം വീശി..“
അതു പോട്ടെ ഇപ്രാവശ്യം വാലെന്റൈസ് ഡെയ്ക്ക് മോന്‍ ഒരു പപ്പിയേയും പിടിച്ചിരിക്കുന്നു.. എന്തുവാടാ എന്നു ചോദിച്ചപ്പോള്‍ “ എന്റെ ഗേള്‍ ഫ്രണ്ട് തന്നതാ എന്നു.” ആരാടാ അതു എന്നു നെഞ്ചിടിപ്പ് കാണിക്കാതെ ചോദിച്ചു..“

“എന്നിട്ട്”
“എന്നിട്ടെന്താ?, അവന്‍ ഏതോ ഒരു മുസ്ലീം പെണ്ണിന്റെ പേരു പറഞു.. എന്റെ അജയ്, എന്റെ ജീവിതത്തിലെ രണ്ടാമത്തെ ഞെട്ടലാ അത്”
“അതെന്താ സാര്‍?”

“എന്റെ ഫാമിലി കുറച്ചു കണ്സര്‍വേറ്റിവ് ആണ്.. നമ്മള്‍ റെഡിയാണേലും മറ്റുള്ളവരുടെ കാര്യങള്‍ കൂടി നോക്കണ്ടെ?”

അപ്പോഴേക്കും ആലപ്പുഴ എറണാകുളം പാസഞ്ചര്‍ വന്നു... ക്രോസ്സിങിനായി പിടിച്ചു നിര്‍ത്തിയ ഞങളുടെ വണ്ടി പതുക്കെ നീങാന്‍ തുടങി...

ഒരു അച്ഛന്റെ വിഷമങള്‍ എന്തെല്ലാം എന്നു ഞാന്‍ അപ്പോഴാണ് ആലോചിച്ചത്.. പാവം സാറ്..
ആലപ്പുഴ വരെ പുള്ളി ചിന്തയില്‍ ആയിരുന്നു...

2 അഭിപ്രായങള്‍:

ആലപ്പുഴക്കാരന്‍ | Alappuzhakaran said...

ഷിബു സാറിന്റെ കഥ...

അപ്പു said...

kalikaalam !!